Finally, Marian Rivera shared some tidbits about her vacation in Spain with Dingdong Dantes to see her father, half-siblings, and grandparents. We saw some of their lovely pictures but I know I’m not the only one hoping Marian would share more. We just had to be patient and wait a little bit more time. Let’s thank Rose Garcia for doing the interview at the Tweets For My Sweets taping yesterday.

Naging masaya raw si Marian sa naturang bakasyon. Proud na proud pa nga niyang ipinakita sa PEP.ph (Philippine Entertainment Portal) ang larawan ng kanyang Papa at mga kapatid niya sa ama na kuha mula sa kanyang cell phone.

Kuwento ni Marian, “Masaya lalo na noong bumalik ako galing sa Spain. Nagkaroon kami ng bonding.
“’Tapos ngayon, every day, magka-chat kami ni Papa. Pinapadalhan ko siya ng picture.
“Dito sa phone ko, nagtsa-chat kaming dalawa.”

SECOND TIME. Ito ang ikalawang beses na dumalaw si Marian sa Spain kasama si Dingdong; ang una ay noong 2010. Doon sa Spain ipinanganak ang aktres.

Pag-uwi ni Marian noon, masaya nitong ikinuwento na halos araw-araw na silang magkausap ng ama.

“Text -text lang, hindi ‘tulad ngayon na minu-minuto yata.”

Ang Papa pa raw niya ang nagturo sa kanya kung paano sila makakapag-chat.

“Hindi ako masyadong ano sa technology. Kumbaga, nagsi-cell phone ako, nag-i-email ako, okay na ko.
‘’Tapos sabi ng Papa ko, ‘Mag-download ka doon sa Wazzup, mag-chat tayong dalawa.’ So, nagtsa-chat kami.
“Tipong kakagising ko, pipiktyuran ko, ise-send ko sa kanya. ‘Nandito ako sa taping. O, matutulog na ako….’
“Naka-pantulog na ako, magtsa-chat ako sa kanya. Ise-send ko ang picture ko. Ganoon din siya.
“’Tapos ka-chat ko rin ang asawa niya, ipapadala nila mga pictures ng mga kapatid ko. Mga ganoon, kaya ang saya.”

Pagkatapos ng dalawang taon ay malalaki na nga raw ang mga kapatid niya sa ama.
Ayon kay Marian, “Ang pinakamatanda kong kapatid, 10 years old. Pinakabata is two years old.”

Tatlo raw ang kapatid niya sa Papa niya. At may pagmamalaki ngang sinabi ni Marian sa amin na sweet sa kanya ang mga kapatid.
“Sobrang sweet nila sa akin at unexpected na ganoon sila.”

Bukod daw sa Papa niya at mga kapatid, nagkaroon din siya ng panahon na ma-meet ang grandparents niya.

“Kaya masaya ako. Parang iba pala talaga kapag na-meet mo ang pamilya mo nang buung-buo.
“Parang kahit anong katiting diyan, dededmahin mo na lang,” sabi ni Marian.

DINGDONG. Kumusta naman ang pakikitungo ng pamilya niya sa Spain sa boyfriend niyang si Dingdong?

“Ay, okay sila ni Papa. Sweet silang dalawa,” nakangiting sabi ng aktres.
“Minsan nga, may one time na nagpunta kami sa bahay, nagluluto sila together, ha—silang dalawa ang naghahanda.
“’Tapos kami ng asawa ni Papa, kami ang nagtsi-chikahan. Sila ang nagluluto.”

Sa mga sandali ba na yun, hindi sumagi sa isipan niyang, “Sana ganito na lang ang life?”

“Oo naman,” sagot niya.
“Pero hindi rin naman makatotohanan na ganoon lang ang buhay. Kailangan mong magtrabaho.
“Para kapag nagtrabaho ka, may kikitain ka, kailangan mo ulit umalis. Yun ang motivation.” (source)

Now I’m wondering what dishes did Dingdong and Mr. Gracia cooked for the 2 wonderful ladies in their lives. Paella? Steaks? Whatever they were I’m sure they were Delicioso!

Tweet

Share